छत्तीसगढ़ सँगीत ह कर्मा गीत के बिना अधूरा हे । एक ठन बहुँत पुराना कर्मा गीत के सुरता आवत हे । ये गाना ह मोला बहुँत पसँद हे ।
करेला असन करू होगे का ओ तोर मया
ये सनानना करेला असन करू होगे य मोर मया
करेला असन करू होगे का ओ, करेला असन करू होगे का य मोर मया
ये सनानना करेला असन करू होगे य मोर मया
हाय रे तिवरा के ड़ार , टुरी तेल के बघार
ये गजब लागे वो गजब लागे
ये गजब लागे सँगी , जेमा मिरचा मारे झार
गजब लागे,
ये सनानना करेला असन करू होगे य तोर मया
हाय रे धनिया के पान, मिरी बँगाला मितान
गजब लागे वो , गजब लाबे
ये गजब लागे वो ये गजब लागे
ये गजब लागे सँगी , जेमा मिरी के बरदान
गजब लागे,
ये सनानना करेला असन करू होगे य तोर मया
हाय रे जिल्लो के भाजी, खाय बर डौकी डौका राजी
ये गजब लागे वो गजब लागे
ये गजब लागे सँगी , जेमा सुकसी मारे बाजी
गजब लागे,
ये सनानना करेला असन करू होगे य तोर मया
Subscribe to:
Post Comments (Atom)
1 comment:
वाह युवराज भाई सुघ्घर गीत सुनाये. मजा आगे, तिवरा के भाजी आजे बिहिनिया झडके हंव.
Post a Comment